عائلة بلا شر.ف.. وضحية دفعت حياتها ثمنا للملذ.ات

في ليلة من ليالي 2019 الهادية، وعلى طريق دهشور المنعزل في الشيخ زايد، الشارع كان مقطوع ومفيهوش صريخ ابن يومين. فجأة، عربية عطلت من صاحبها واضطر يركن على جنب. وهو نازل يشوف العطل، عينه جابت كومة غريبة مرمية في الضلمة افتكرها في الأول زبالة، لكن لما قرّب بدافع الفضول، اتصدم برجلين بني آدم خارجين من تحت بطانية. الراجل اتلبش من الخوف وبلغ الشرطة في ثواني.

الشرطة وصلت وفرضت كردون أمني، ولما كشفوا البطانية لقوا شاب في التلاتينات متكتف من إيديه ورجليه، لابس بيجامة بيت وغرقان في دـ,ـمه، ومفيش معاه أي ورقة تثبت هويته. وشه كان مشوه وجمـ,ـجمته متهشمة تماماً. تقرير الطب الشرعي أكد إنه اتغدر بيه وهو نايم على ضهره بـ 8 ضـ,ـربات بشاكوش حديد، والجـ,ـثة فضلت في مكان الجـ,ـريمة ساعتين تلاتة قبل ما تترمي في الشارع.

الشرطة قلبت بلاغات الغياب في مصر كلها، بس ملقوش أي خيط يوصلهم لصاحب الجـ,ـثة. بعد يومين، جه اتصال لمديرية الأمن من رجل أعمال أردني عايش في الخليج، بيبلغ إن ابنه "فخري" (35 سنة) مقطوع الاتصال بيه بقاله يومين. فخري كان ماسك فرع شركة خضار وفاكهة تابعة لعيلته في مصر وقاعد في فندق بـ 6 أكتوبر، وفي آخر مكالمة قال لوالده إنه خلص صفقة كبيرة وقبض مبلغ ضخم وهيحطه في البنك ويسافر فوراً، وفجأة تليفونه اتقفل.

المواصفات طابقت الجـ,ـثة المجهولة، ومن هنا بدأت الخيوط تتجمع. بتفريغ كاميرات الفندق، ظهر فخري وهو خارج الساعة 10 بالليل وماسك شنطة صغيرة، وركب مع شخص استقبله بترحيب كبير كأنهم أصحاب جداً. وبفحص سجل المكالمات، طلع آخر رقم متواصل معاه هو السواق "هاني"، شغال بواب وسمسار في زايد. القوات اتحركت فوراً على شقة هاني، واقتحموا المكان ولقوا هاني ومراته "سماح" وبنتهم "آية" قاعدين يتغدوا بكل برود، ومن هنا بدأت الاعترافات الصادمة اللي متخطرش على بال بشر.

المعرفة بدأت من سنتين لما هاني وصل طلبية لفخري وعرض يشتغل معاه سواق خصوصي، وبقى يعتمد عليه في كل مشاويره. في 2018، هاني استلف من فخري 6000 جنيه لمشروع ومضاله على وصل أمانة، لكن المشروع خسر وفخري بدأ يزن عشان فلوسه. هاني، وهو عارف نقطة ضعف فخري وحبه للسهر والنسوان، فكر في فكرة قذرة وعرض على مراته سماح تنام معاه مقابل يتنازل عن الدين، بس لما فخري جه البيت ومراته عرضت عليه، رفض.