خطيبة أخويا

عريسي، اللي كنت متخيلة إنه هيقف جنبي مهما حصل، ساب إيدي ونزل من على الكوشة، وراح ناحية والده ووالدته. وبعد لحظات رجع لي، ووشه متغير تمامًا. قال لي ببرود أنا مش قادر أكمل الليلة دي كأن مفيش حاجة حصلت. إنتي جرحتِ بنت من غير أي سبب، لمجرد إنك شايفة نفسك أحسن منها. واللي عملتيه ده خلاني أعيد حساباتي في حاجات كتير. صړخت فيه يعني إيه؟

! إنت هتسيبني في ليلة فرحي عشان فيديو؟! رد عليا الموضوع مش فيديو يا سلمى، الموضوع إن ده تفكيرك الحقيقي. أنا كنت فاكر إنك بنت محترمة وبتحترمي الناس، لكن واضح إني كنت شايف الصورة اللي إنتي حابة تظهريها بس. وسابني ومشي مع أهله، وأنا وقعت على الكرسي من الصدمة. ماما جريت عليا وهي بټعيط، وأبويا كان واقف مش عارف يعمل إيه، أما علاء فاختفى من القاعة من غير ما ينطق بكلمة.

فضلت أعيط وأصرخ وأقول إن نهلة هي السبب، وإنها خططت لكل ده عشان ټنتقم مني، لكن محدش كان بيسمعني. بعد ساعات، رجعنا البيت، وأنا دخلت أوضتي ورميت الطرحة على الأرض، وفضلت أبص لنفسي في المراية. كنت لسه بفستان الفرح، لكن بدل ما أشوف العروسة اللي كانت فرحانة بنفسها، شوفت واحدة غرورها خلاها تخسر كل حاجة في ليلة واحدة. تاني يوم الصبح، لقيت علاء داخل عليا، وعينيه حمرا من قلة النوم.

أول ما شافني قال إنتي مبسوطة دلوقتي؟ بصيت له باستغراب وقلت إنت بتكلمني بالطريقة دي ليه؟! أنا أختك! ضحك ضحكة حزينة وقال أختي؟ أمال نهلة كانت إيه؟ البنت اللي بتحبني وبتحترمني، واللي عمرها ما چرحتني بكلمة، لما قلت لها إن أختي مش عايزاكي تحضري فرحها، عيطت لوحدها، وبعدها مسحت دموعها وقالت لي إنها مش هتعمل مشكلة عشان خاطري.

حاولت أدافع عن نفسي وهي اللي عملته ده مش مشكلة؟! دي فضحتني قدام الناس كلها! رد عليا بعصبية استني بس، إنتي لسه متعرفيش حاجة! طلع تليفونه وفتح لي رسالة كانت نهلة باعتاها له قبل الفرح بيومين، مكتوب فيها يا علاء، أنا عرفت إن سلمى مش عايزاني أحضر فرحها، وأنا مش زعلانة منها قد ما أنا زعلانة منك إنت.

كنت مستنية أشوفك هتدافع عني ولا هتسيبني أتهان عشان ترضي أختك. أنا مش هروح الفرح، ومش هعمل أي حاجة تضايق سلمى، بس بعد اللي حصل محتاجة أفكر في جوازنا. رفعت عيني لعلاء وأنا مش فاهمة يعني إيه؟ هي اللي عملت الفيديو؟! هز راسه وقال لأ، ودي المصېبة. نهلة ملهاش أي علاقة باللي حصل. الفيديوهات دي كانت متسجلة على موبايل ماما من يوم ما كنا قاعدين عندنا، وحد أخدها وحطها على جهاز العرض بتاع القاعة.

اټصدمت وقلت طب مين عمل كده؟! قال لي ابن خال جوزك. كان مسؤول عن تجهيزات الشاشة والصوت، ولما عرف باللي حصل بينك وبين نهلة، قال إنك لازم تعرفي إن الناس مش درجات، وإن محدش من حقه يهين حد عشان ظروفه أو تعليمه. سكت لحظة وبعدين كمل هو غلط إنه عرض التسجيلات قدام الناس، وكان المفروض يتكلم معاكي على انفراد، لكن ده ميغيرش إن الكلام اللي اتقال كان حقيقي.