اتعرفت علي بنت

لكن اللي ما كنتش أعرفه، إن عمي فؤاد كان بالفعل مستنيني في بيته، وقدامه ظرف تاني، وفيه مستندات لو وصلت لإيدي... هتثبت إن الراجل اللي رباني بعد وفاة أبويا كان عارف الحقيقة من أول يوم، وإنه أخفاها عني لسبب أخطر بكتير من الفلوس! رجعت البيت وأنا مش شايف قدامي من كتر التفكير. كلام الحاجة سعاد كان بيلف في دماغي، وصورة أمي وهي واقفة جنب والد منال كانت مش راضية تفارق خيالي.

إزاي أمي كان ليها علاقة بكل ده؟ وليه أبويا احتفظ بالسر لحد ما مـ,ـات؟ والأهم من كل ده، عمي فؤاد كان بيحميني فعلًا، ولا كان بيحميني من الحقيقة عشان أفضل طول عمري تحت سيطرته؟ بصيت في الساعة، لقيت الوقت قرب من تسعة بالليل. افتكرت كلام عمي لما قال لي أروح له الصبح، لكني ما قدرتش أستنى.

ركبت عربيتي وروحت له. لما وصلت، لقيت باب الفيلا مفتوح، وعمي قاعد في الصالون لوحده، وقدامه فنجان قهوة وظرف بني كبير. أول ما شافني، حط الفنجان على الترابيزة وقال كنت عارف إنك مش هتستنى لبكرة. قعدت قدامه، وحاولت أتكلم بهدوء أنا قابلت الحاجة سعاد يا عمي. وشه اتغير للحظة، لكنه رجع تمالك نفسه بسرعة. قال وهي قالت لك إيه؟ حطيت صورة أمي ووالد منال قدامه.

قالت لي إنك تعرف الحقيقة كلها، وإن عندك الجزء التاني من جواب أبويا. أنا عايز أفهم، ومش همشي من هنا غير لما أعرف كل حاجة. عمي فضل باصص للصورة فترة طويلة، وبعدها شال نضارته ومسح عينيه. ولأول مرة في حياتي، شفت الراجل اللي كنت فاكره قوي ومش بيتهز، عاجز حتى إنه يبص في وشي.

قال بصوت مبحوح أمك كانت أشرف واحدة في العيلة دي كلها يا عماد، وأنا عمري ما كنت أتمنى إنك تعرف اللي حصل لها بالطريقة دي. صرخت فيه أمال كنت عايزني أعرف إزاي؟ بعد ما تضيّع حقي؟ بعد ما تخليني أمضي على ورق أنا ما شفتوش؟ ولا بعد ما تخليني أعيش طول عمري فاكر إنك واقف جنبي؟

! ضـ,ـرب بإيده على الترابيزة وقال أنا ما زورتش توقيعك! اسمعني للآخر قبل ما تحكم عليّا. سكتُّ، لكنه كان واضح إنه بيحاول يختار كلماته بعناية. فتح الظرف البني وطلع منه مجموعة مستندات قديمة. من أكتر من عشرين سنة، والد منال دخل في شراكة مع مجموعة من المستثمرين. أبوك كان مسؤول عن الحسابات، وأمك كانت بتشتغل في الإدارة، وكانت عندها قدرة غريبة على اكتشاف الأخطاء اللي غيرها ما بياخدش باله منها.

أشار لصورة أمي. هي اللي اكتشفت إن فيه تحويلات مالية بتتم من حسابات الشركة لحسابات خاصة، وإن فيه مستندات بتتجهز عشان يبان إن والد منال هو المسؤول عن الاختلاس. سألته مين اللي كان بيعمل كده؟ رد بعد صمت طويل أنا. حسيت إن وداني بطلت تسمع. عمي كمل بصوت واطي أنا كنت شريك صغير في المشروع، وخسرت فلوس كتير، ولما لقيت إن فيه فرصة أعوض خسارتي، دخلت في الموضوع.