اتعرفت علي بنت

سألني عن الساعة، ولما قلت له إني مش عارف مكانها، زقني وخبطني في المكتب. منال نزلت لمستواه وسألته خد حاجة تانية غير الساعة؟ هز راسه وقال ما أعرفش كل اللي كان يهمه الساعة. كان عارف مكانها، وكان عارف إنها مش مجرد ساعة قديمة. بصيت له بحدة. إنت كنت عارف إن فيها حاجة؟ عمي سكت.

والسكوت ده كان كفاية يخليني أحس إن فيه سر جديد مستخبي. قلت بصوت أعلى أنا بسألك يا عمي! كنت عارف إن أمي سابت حاجة جواها؟ رفع عينيه ليا، وكان واضح إنه بيحاول يقرر يقول إيه. وبعد لحظات، قال أيوه. حسيت إن صدري اتقفل. أيوه إيه؟! رد وهو بيحاول يقوم كنت عارف إن أخوك أقصد أبوك، كان مخبي حاجة جوه الساعة.

بس ما كنتش أعرف إنها لسه موجودة لحد النهارده. منال بصتله باستغراب. إنت قلت أبوك، وبعدين صححت كلامك. كنت هتقول إيه؟ عمي اتوتر، ولف وشه بعيد عنها. لكن أنا كنت سمعت الكلمة كويس. كنت هتقول أخوك؟ إنت كنت تقصد مين يا عمي؟ ما ردش. قربت منه وقلت إنت بتخبي عني إيه تاني؟ أنا تعبت من الأسرار دي! أمي مـ,ـاتت، وأبويا مـ,ـات وهو شايل الحقيقة معاه، وإنت كل شوية تطلعلي بحكاية جديدة!

عمي غمض عينيه، وبعدها قال في حاجات لو عرفتها، هتفهم ليه أبوك كان خايف عليك طول عمره. لكن قبل ما أقولك أي حاجة، لازم نلاقي الساعة. منال تدخلت مش هنقدر ندور على الساعة من غير ما نعرف مين آخر شخص شافها. هل فيه حد كان عنده مفتاح البيت غيرك؟ عمي فكر شوية، وبعدين قال فيه نسخة مع شخص واحد بس المحامي القديم بتاع أبوك، الأستاذ نادر.

الاسم خلاني أرجع خطوة لورا. لأني كنت أعرف الأستاذ نادر. ده كان الراجل اللي حضر جلسة قراءة وصية أبويا، واللي بعدها بأسبوع اختفى من حياتنا تمامًا، من غير ما يسيب أي عنوان أو رقم تليفون. منال سألت هو لسه عايش؟ عمي رد على حد علمي، أيوه. لكن آخر مرة حاولت أوصله، السكرتيرة قالت إنه اعتزل الشغل وسافر يعيش في إسكندرية.

وقبل ما نكمل كلامنا، دخل المحامي اللي اتصلنا بيه ومعاه اتنين من أفراد الشرطة. بعد ما اطمّنوا على عمي، بدأوا يفحصوا المكان ويصوروا آثار الاقتحام. واحد من أفراد الشرطة نادانا من ناحية المكتب. يا أستاذ عماد، ممكن تيجي تشوف حاجة؟ قربت منه، فمد إيده بورقة مطوية كانت محشورة تحت رجل المكتب. فتحتها بحذر. كانت مكتوبة بخط إيد أبويا. لو وصلت للساعة، ما تفتحهاش قبل ما تقابل نادر.

المفتاح مش هو الدليل الدليل هو اللي هيحاول يمنعك من استخدامه. بصيت لمنال. يعني إيه؟ هو أبويا كان عارف إن حد هيحاول ياخد الساعة؟ منال ردت أو كان عارف إن الساعة هتوصل لإيدك في يوم من الأيام، وإن فيه حد مستعد يعمل أي حاجة عشان يمنعك من فتحها. عمي فؤاد كان قاعد ساكت، لكن أول ما سمع اسم نادر، رفع راسه فجأة وقال لا مستحيل يكون نادر! منال التفتت له بسرعة.